ياجرح يسعـــــــــد صباحك انسى عنوانه!!!

ياخوي تسأل عيونـي ليـه ذبلانـه
وهذا السواد اللي عليها محاصرنـي



انا عيوني ثـلاث شهـور سهرانـه
والحزن شوفة عيونك كيف فاضحني



القلب ياخوي يشكي فـراق خلانـه
والدمـع عيـا يكـف ولا يريحنـي



اقفت وخلت عروق القلب عطشانـه
ياقوها كيـف جاهـا قلـب تتركنـي



وشلون بنسى وهي قلبي وشريانـه
وشلون ترضى بدون اسباب تهجرني



وشلون تغفى عيوني دون احضانـه
وشلون بدفى وهـي اللـي تولعنـي



ياخوي روحي تنادي حيـل ولهانـه
وش حيلتي بالجفا ياخـوي علمنـي



اول انا اللي اداوي قلـوب مرضانـه
واليوم بلشان مدري مـن يعالجنـي



الحظ قفـى وصـك اليـوم بيبانـه
مغير ادعـي واقـول الله يصبرني


صابر واشوف الهوى تتكسر اغصانه
واللي رحل جعل ربي بـه يعوضنـي



داري واكيد الزمـن تتغيـر الوانـه
والوقت لازم يجيلـه يـوم يسعدنـي



ياجرح يسعد صباحك انسى عنوانـه
ولا عاد تسهر على ذكـراه تتعبنـي



تكفى ياجرحي عشاني مو على شانه
خلاص ابنسـى طلبتـك لا تذكرنـي